Svimjihøllin er eitt stað har ein skal vísa stórstu virðing, og ansni tá ein vitjar hana.
Svimjihølln verður nýtt til allmenna svimjing, eins og til undirvísing í skúlum og svimjifeløgum. Umframt nýta barnagarðar og stovnar av ymisum slag høllina. Øll sum nýta høllina til eitthvørt virksemið mugu verða greið yvir tað ábyrgd og álvarsemi sum fylgir við. Tað er umráðandi at tey sum nýta høllina, leggja rættningslinjur innan sítt økið, sum samsvara við tær reglur sum svimjihøllin setir. Hetta merkir at tey skulu útvega sær tað trygd sum teimum er álagt at halda.
Stovnar sum leiga set inn í høllina, eitt nú barnagarðar ella búðstovnar, hava eins og øll onnur, ábyrgd yvir fyri teimum sum tey koma inn við. Í roynd og veru liggur høvuðsábyrgdin hjá leiðara fyri stovn ella barnagarð at trygdarreglur verða hildnar. Umframt hetta liggur ein serlig ábyrgd á starvsfólki, eitt nú pedagogum, dagrøktarum, ella starvsfólki sum heild.
Stovnar sum kunnu hava fleiri fólk undir sær, skuli áltíð hava ein sum hevur lívbjargingarroyndina og fyrstuhjálparskeiði í ordan, við sær í høllina.
Klaksvíkar kommuna setur sum treyt, at øll sum eru venjarar í svimjifeløgum, hava lívbjargingarroynd. Hetta skal endurnýggjast á hvørjum ári. Svimjifelagið skal sjálvt syrgja fyri at royndir verða dagførdar.
Tað er ongin neyv lóg sum lýsir hvør í ábyrgdin er, viðvíkjandi trygd í vatni á allmennum støðum, tá talan er í samband við frálæru, ella venjing. Um eitt óhapp hendir, so verður spurningurin reistur ímóti svimjifelag, um mannagongdir og loyvir eru í lagi osv. Juridiskt í hesum førum verður culparegulin nýttur. Tað merkir at tú ert ábyrgdari, um eitt óhapp hendir. Culparegulin dregur teg til ábyrgd fyri tað sum tú hevur gjørt, ella ikki gjørt. Svimjifelagið hevur fulla ábyrgd yvir fyri sínum limun, og má syrgja fyri halda seg til tær reglur, sum svimjihøllin setur viðvíkjandi lívbjarging og trygd.
Svimjifelagið hevur sjálvt ábyrgd av, at fólk við førleikum og prógvum takað sær av venjingum.
Lógásetanin vegna ábyrgd og trygd í skúlum, er feld inn í fólkaskúlalógina. Fólkaskúlalógin sigur at lærari skal hava neyðugan førleika og svimjilæraraprógv. Skúlin skal tryggja sær, at tey neyðugu krøvini í svimjihøll eru trygg og góð hjá næmingunum. Skúlin skal tryggja, at lærari hevur kunnleika til handfaring av trygdarútgerð í svimjihøllini, og gildugt lívbjargingarprógv. Viðmælt verður at ein lærari er til 15 børn, og skal somuleiðis halda seg til regulin sum er galdandi undir teiginum frálæra í svimjihyli. Lærarin skal megna lívbjarging. Tvs. at bjarga í hyli, geva lívbjargandi fyrstuhjálp, og umframt verða førur fyri at nýta hjartastartara, og tey amboð sum annars hoyra til fyrstuhjálpina.
Um skúlin metir at tey ikki kunnu veita neyðugu trygdina til næmingar, so er at fáa hesi viðurskifti uppá pláss. Svimjihøllisn kann í einstøkum førum veita lívbjargara til ansing, hetta fast við at venda sær til hallarleiðslu. Tað er umráðandi tá skúlin vitjar, at lærarar áltíð syrgja fyri at trygdin er í lagi. Skúlin hevur endaliga ábyrgd, at reglar í svimjihøllini verða fylgdir.
Tað er eigarin sum leggur trygdarreglur í svimjihøllini. Klaksvíkar kommuna saman við svimjihøllini syrgir fyri at reglar koma út til skúlar, stovnar, svimjifeløg o.o. Øll sum leiga seg inn í høllina hava egna ábyrgd at fylgja reglum sum verða ásettir, og hava har við endaliga ábyrgd fyri sínum økið.
Undir allmennari svimjing hevur svimjihøllin greiðar reglar, sum siga hvat viðvíkjandi trygdini inniberð. Tey sum vitja svimjihøllina skula í øllum førum fylgja teim reglum sum eru fyrisettir. Ábyrgd liggur hjá hvørjum einstøkum sum vitjar høllina, og tí kann ikki fult álit leggjast á starvsfólk í svimjihøllini. Øll svimjing er undir egnari ábyrgd, men lívbjargari er í høllini. Tað er sera umráðandi at foreldur brúka sunt skil, tá tey senda síni børn í svimjihøllina, og at tey tryggja at tey hava aldur, og duga at svimja. Lívbjargara skulu hava teirra prógv dagførd, og verða førir fyri at geva lívgevandi fyrstuhjálp, og megna at lívbjarga í vatni.
Tað er umráðandi at fylgja teim reglum sum eru fyriskrivaðir í svimjihøllini. Fylgi reglugerð á heimasíðu, og sum hanga í teim umisku støðunum í umklæðingardeild og í svimjihøllini.
Svimjihøllin, telefontíð
+298 456037
(týsdag-fríggjadag 13:00-17:00)
(leygardag 10:00-16:00)
Torkil Mørkøre
+298 214176
(mánadag-fríggjadag 08:00-16:00)
Bent Áarskarð
Hallirnar +298 214177
(mánadag-fríggjadag 08:00-16:00)
Rita inn © Ítróttadepilin 2024. Ein heimasíða frá ELSE
